ილიას სახელმწიფო უნივერსიტეტის ბიზნესის, ტექნოლოგიის და განათლების ფაკულტეტი აცხადებს ვაკანსიას ტექნოლოგიების სკოლაში სტუდენტთა მოზიდვის სპეციალისტის პოზიციაზე.

ფუნქცია-მოვალეობები:

• უზრუნველყოფს სტუდენტთა დაინტერესებისა და მოზიდვის მიზნით შემუშავებული სტრატეგიების განხორციელებას ტექნოლოგიების სკოლის საბაკალავრო და სამაგისტრო პროგრამებისთვის;
• წარადგენს ტექნოლოგიების სკოლას საშუალო სკოლებში და ამყარებს კომუნიკაციას მოსწავლეებთან და სკოლის ხელმძღვანელებთან.
• თანამშრომლობს უნივერსიტეტის შესაბამის სამსახურებთან მარკეტინგული საკითხების დაგეგმვა/განხორციელების მიზნით;
• კოორდინირებას უწევს და მონაწილეობს უნივერსიტეტების მიერ ჩატარებულ სემინარებში, ვორქშოპებსა და სხვა აქტივობებში;
• აორგანიზებს ვიზიტებსა და ტურებს უნივერსიტეტში პოტენციური სტუდენტებისა და დაინტერესებული პირებისთვის;
• კონსულტაციებს უწევს პოტენციურ სტუდენტებს კარიერულ და აკადემიურ საკითხებთან დაკავშირებით;
• კოორდინირებას უწევს უნივერსიტეტის თანამშრომლებისა და კურსდამთავრებულთა მონაწილეობას სტუდენტთა მოზიდვის მიზნით გამართულ განათლების გამოფენებში.
• ამზადებს სტუდენტთა მოზიდვასთან დაკავშირებული აქტივობების შესახებ ანგარიშებსა და პროექტებს.

მინიმალური საკვალიფიკაციო მოთხოვნა:

• მაგისტრის აკადემიური ხარისხი განათლების, მარკეტინგის ან სხვა მომიჯნავე სფეროში

მოთხოვნილი ცოდნა და უნარ-ჩვევები:

• მონაცემებისა და ინფორმაციის შეგროვების, დახარისხებისა და ანგარიშის მომზადების უნარი;
• ანალიტიკური აზროვნების უნარი;
• ორგანიზებისა და კოორდინირების უნარი;
• პრეზენტაციების მომზადებისა და ჩატარების უნარი;
• ზეპირი და წერილობითი კომუნიკაციის უნარი;
• მონაცემთა ბაზებში მუშაობის უნარი;
• ინგლისური ენის ცოდნა სავალდებულოა;
• უპირატესობა მიენიჭება სოციალური მედიის მენეჯმენტის გამოცდილებას;

დაინტერესებულმა კანდიდატებმა გთხოვთ, გამოგზავნოთ CV მისამართზე vacancy@iliauni.edu.ge 2020 წლის 10 ნოემბრიდან 2020 წლის 22 ნოემბრის ჩათვლით. (გთხოვთ, "subject" ველში მიუთითოთ პოზიციის დასახელება).