მოლარე-კონსულტანტი

ICI-PARIS
Sales
Poti
Vacancy
18-11
18-12


პარფიუმერული ქსელი "ისი-პარი" 1995 წლიდან ზრუნავს თქვენს ჯანმრთელობასა და სილამაზეზე. პარფიუმერული სამყაროს სწრაფად განვითარების პარალელურად კომპანია უზრუნველყოფს, რომ მსოფლიო სიახლეებმა და პრეზენტაციებმა დაუყოვნებლივ მოაღწიოს ქართველ მომხმარებლამდე. ჩვენი პრიორიტეტი ხარისხი და მრავალფეროვნებაა. კომპანია გთავაზობთ სასიამოვნო სამუშაო გარემოს, პროფესიონალ გუნდთან მუშაობისა და განვითარების შესაძლებლობას.

"ისი-პარი" აცხადებს ვაკანსიას მოლარის/კონსულტანტის თანამდებობაზე, (დეკრეტულ შვებულებაში მყოფი თანამშრომლის შემცვლელად)

სამუშაო ადგილი: ქ. ფოთი

ძირითადი ფუნქცია-მოვალეობები:

  • სალაროს წარმოება და კონტროლი: თანხის მიღება, დათვლა, თანხის გაცემა;
  • ნავაჭრი თანხის ყოველდღიური შეტანა ბანკში დროულად, გასავლის ორდერის შევსება და პროგრამული აღრიცხვა;
  • სასაჩუქრე ვაუჩერების გაცემა/განაღდება;
  • გაყიდული პროდუქციისა და შემოსული თანხების თანხვედრის შემოწმება;
  • ფულადი შემოსავლის მონიტორინგი, აღრიცხვა;
  • სალაროსთან დაკავშირებული დოკუმენტაციის ზედმიწევნით სწორად წარმოება
  • განვადებების განაცხადის შევსება და გაგზავნა;
  • ფასდაკლების ბარათის გაცემა/აღდგენა;
  • პროგრამაში ფასდაკლებების ადმინისტრირება;
  • საჭიროების შემთხვევაში პროდუქციის დალაგება, თაროების მოწესრიგება და აღწერა
  • პროდუქციაზე ფასების შეცვლა;
  • პროდუქციის აღწერაში მონაწილეობის მიღება;
  • მომხმარებელთათვის კონსულტაციის გაწევა და მომსახურების სტანდარტების ზედმიწევნით დაცვა.

საკვალიფიკაციო მოთხოვნები:

  • უმაღლესი განათლება, სასურველია ფინანსური ან ეკონომიკური მიმართულებით;
  • სამუშაო გამოცდილება ანალოგიურ სფეროში ჩაითვლება უპირატესობად;
  • ERP პროგრამასთან მუშაობის გამოცდილება ჩაითვლება უპირატესობად;
  • საოფისე პროგრამების ცოდნა;

პიროვნული უნარ-ჩვევები:

  • ზეპირი და წერითი კომუნიკაციის უნარი;
  • დაგეგმვის და ორგანიზების უნარი;
  • ინფორმაციის ანალიზის უნარი;
  • დროის ეფექტური მართვის უნარი;
  • გუნდური მუშაობის უნარი;
  • სიზუსტესა და დეტალებზე ორიენტირებული;
  • მომსახურების ხარისხზე ორიენტირებული;

შერჩევის ეტაპები:

  • ტესტირება;
  • გასაუბრება;
  • შერჩეულ კანდიდატთან 2 კვირიანი მოსამზადებელი ტრეინინგი.

დაინტერესების შემთხვევაში, გამოაგზავნეთ თქვენი რეზიუმე (CV) ელექტრონული ფოსტის მისამართზე: hr-iciparis@prestige.ge. გთხოვთ, ელექტრონული წერილის თემის ველში (subject) მიუთითოთ ვაკანსიის (მოლარე/კონსულტანტი ) დასახელება

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ კანონის" ფარგლებში შეაგროვოს, დაამუშავოს და შეინახოს წარდგენილი ინფორმაცია (cv) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.